Cormac Roth, muzikanti dhe djali i aktorit Tim Roth, ka vdekur në moshën 25-vjeçare

Cormac Roth, muzikanti dhe djali i aktorit Tim Roth, ka vdekur në moshën 25-vjeçare. Kitaristi dhe kompozitori ishte diagnostikuar me kancer të qelizave germinale të fazës 3 në nëntor 2021. Ai vdiq më 16 tetor 2022, shkruan “The Guardian”, transmeton Klankosova.tv. Roth e kishte bërë të ditur diagnozën e sëmundjes së tij në Instagram. Ai tregoi se kanceri i njohur si koriokarcinoma i kishte dëmtuar gjysmën e dëgjimit dhe kishte humbur 60 kilogramë peshë. “Jeta është e shkurtër. Është kaos. Dhe kurrë nuk e dini se kur do të jeni ju. Bëhu i mirë dhe shko te mjeku. Kancer i dreqit”, kishte shkruar ai. Në postimin e tij të fundit, një video e shpërndarë në gusht, ai falënderoi ndjekësit për mbështetjen që i kishin dhënë. “Ju nuk mund të zgjidhni gjithmonë fatin tuaj”, tha ai. “Ju nuk mund të zgjidhni gjithmonë të ardhmen tuaj”. Ai publikoi albumin “Python” në vitin 2018 dhe gjithashtu asistoi me muzikë për filmin “New Order” të Michel Francos të vitit 2020. /Klankosova.tv