Edhe në mesjavë nuk do të mungojë futbolli. Coppa Italia do të zhvillojë ndeshjet e raundit të dytë të garave me skuadrat nga Serie A dhe Serie B të cilat dalin në aksion për ta kërkuar fitoren dhe rrjedhimisht kalimin në raundin e 16 më të mirave.
Ndeshjet do të luhen gjatë tre ditëve të mesjavës - të martën, mërkurën dhe enjten - teksa do të vijnë në tre orare të ndryshme dhe të gjitha mund t’i shikoni në kanalet Art Sport.
Të martën janë tre ndeshje në transmetim, Venezia – Ternana hap xhiron me fillim nga ora 15:00 dhe transmetohet në Art Sport 1 nën komentimin e Arlind Sadikut teksa në po të njëjtin kanal me fillim nga ora 18:00 nën komentimin e Lirim Pecit vjen përballja Udinese – Crotone e më pas gjithçka mbyllet me super ndeshjen Genoa – Salernitana e cila nis në ora 21:00 dhe vjen me komentator Emanuell Sylën.
Tre po ashtu janë ndeshjet që do të zhvillohen të mërkurën me aksionin në fushën e blertë që do të fillojë me super përballjen mes dy skuadrave të Series A, Verona – Empoli, e cila nga ora 15:00 do të komentohet prej Andi Shabanit.
Me fillim nga ora 18:00 nën komentimin e Engjëll Bërbatovcit vjen përballja e dytë e ditës që përplas Cagliarin dhe Cittadellan, kurse nata mbyllet me Fiorentina – Benevento që në Art Sport 2 vjen me komentator Jon Ajetin.
E enjtja na sjellë po ashtu dy duele interesante. Spezia dhe Lecce ndeshen me fillim nga ora 18:00 dhe dueli transmetohet në Art Sport 2, teksa më pas me fillim nga ora 21:00 vjen kryendeshja e këtij rrethi të garave, Sampdoria – Torino, e cila do të transmetohet në Art Sport 1 me komentator Naim Selmanin.
●●●
LHSHKRIMI NGA
L H
Editorial nga Klan Kosova — ndjek sport dhe zhvillimet e tjera kryesore të vendit.
