Copes i Bashkimit shpallet MVP i javës

Bashkimi mundi rivalin e vjetër të basketbollit, Pejën, në sfidën që u zhvillua në Prizren, derisa basketbollisti më i dalluar ishte Erik Copes. Qendra e mbylli ndeshjen me 24 pikë, nëntë kërcime e tri asistime, si dhe kishte dy bllokada e një top të vjedhur. Copes kishte indeksin 35, apo më të lartin e kësaj xhiro, duke u shpallur MVP, që nuk Është hera e parë për të. Në një sfidë me kthesa Trepça mundi Golden Eagle Yllin, për të vazhduar serinë pozitive. Te mitrovicasit u dallua Jordy Tshimanga me 18 pikë e 19 kërcime. Ai u ndihmua nga Darnell Edge me 16 pikë, pesë kërcime e pesë asistime. Me rikthim fitoi edhe Sigal Prishtina ndaj Vëllaznimit, kurse te bardhekaltrit më i miri ishte Donte Clark me 16 pikë, tetë kërcime e tri asistime. Fitore shumë të rëndësishme shënoi Proton Cable Prizreni ndaj Istogut, ku te prizrenasit më i miri ishte Ty Cockfield me 18 pikë, tetë kërcime dhe dy asistime. MVP Erik Copes (Bashkimi) 24 pikë, 9 kërcime, 3 asistime, 35 indeksi Top 5 Erik Copes (Bashkimi) 24 pikë, 9 kërcime, 3 asistime, 35 indeksi Jordy Tshimanga (Trepça) 18 pikë, 19 kërcime, / asistime, 31 indeksi Donte Clark (Sigal Prishtina) 16 pikë, 8 kërcime, 3 asistime, 22 indeksi Ty Cockfield (Proton Cable Prizreni) 18 pikë, tetë kërcime, 2 asistime, 22 indeksi Darnell Edge (Trepça) 16 pikë, 5 kërcime, 5 asistime, 17 indeksi