Çmenduri në Athinë - Një milion njerëz për 5 minuta! Çfarë ndodhi me biletat e Final Four?

Lajmi për shitjen e plotë të biletave është kryefjala e basketbollit evropian momentalisht. Detajet nga shitja e menjëhershme e biletave, që ndodhi gjatë ditës së sotme, për fazën e fundit të “Final Four” të datës së finales, tregojnë për një interesim të jashtëzakonshëm. ​Faza e fundit e shitjes publike të biletave (Faza 4) ishte hapur sot, të hënën më 20 prill, në orën 10:00, dhe ashtu si tre fazat e mëparshme, ishte një ngjarje "Sold Out", që përfundoi brenda pak sekondave! ​Kërkesë e paprecedentë sa i përket interesimit, që nuk ishte parë të paktën për një kohë të gjatë. Faza e 1-rë (që në shkurt), regjistroi mbi 1 milion tifozë që u futën në faqen e EuroLeague njëkohësisht, duke bërë që shitja e të gjitha biletave të ndodh në më pak se 5 minuta. ​Ngarkesa e fundit e biletave, që dolën në shitje sot, ishte faza e 4-të, njëherit edhe mundësia e fundit për publikun e gjerë që të siguronte ulëse standarde. Duke qenë se ky ‘Final Four’ mbahet në Athinë në ‘Telekom Center’ (OAKA e rinovuar), kërkesa ishte jashtë kontrollit, sidomos për shkak të dy ekipeve greke, Panathinaikos (kampion në fuqi, shtëpi e së cilës skuadër është arena ‘OAKA’) dhe Olympiacos (skuadra me formën më të mirë dhe favoriti kryesor këtë sezon). Ndërsa, parashikimet që në finale të Evropës mund ta kemi “derbin e armiqve të përjetshëm” grek, ka çmendur tifozerinë e EuroLeague, posaçërisht të këtyre dy skuadrave. ​“Final Four” do të mbahet nga 22-24 maj 2026, por deri te përcaktimi i 4 skuadrave të fundit, së pari na pret faza e Play-in dhe Playoff-it. Kanalet e sportit të ArtMotion, do t’ju sjellin gjatë kësaj jave, duke filluar nga nesër, emocionet së pari të Play-in, e pastaj nga java e ardhshme edhe sfidat në seri të Playoff për sezonin 2025/26 të EuroLeague.