City merr hak ndaj Realit, shkon në finalen e Stambollit (LIVE)

Manchester City e ka siguruar finalen e Ligës së Kampionëve pasi e ka mundur Real Madridin, 4:0. Ndeshja e parë në “Santiago Bernabeu” kishte përfunduar me rezultat 1:1, ndërkaq Bernardo Silva ishte lojtari që doli më në pah te Qytetarët në ndeshjen e kthimit. Ai i realizoi dy golat e parë në minutat 23’ dhe 37’, ndërkaq Eder Militao shënoi autogol në minutën e 76-të. Golin e katërt dhe përfundimtar e shënoi Julian Alvarez në minutën e parë të lojës shtesë. Në finale e 10 qershorit në Stamboll, City do të ketë punë me Interin që mbrëmë mundi rivalin local, Milanin. _________________________________________________________________________________________________ 90+1' Julian Alvarez realizon golin e katërt për Cityn.

JULIAN ALVAREZ MAKES IT 4 WE ARE HEADING TO ISTANBULLLLLLLpic.twitter.com/spQWswLjH5

— 17 (@DxBruyneSZN) May 17, 2023

89' Julian Alvarez zë vendin e Erling Haalandit. 84' Phil Foden futet në lojë te City, në vend të Kevin de Bruynet. 81' Dani Ceballos zë vendin e Rodrigos (Real Madrid). 80’ Aurelien Tchouameni hyn në vend të Eduardo Camavingës, ndërkaq Lucas Vasquez në vend të Dani Carvajalit. 79’ Riyad Mahrez zë vendin e Ilkay Gundoganit. 76' Eder Militao pati fatin e keq të realizojë autogol pas një goditje dënimi për Cityn. Reali po humb 3:0.

AKANJI GOAL OR EDER MILITAO OG I DONT EVEN CARE GET INNNNN HAHAHAHAHAHAHApic.twitter.com/GKUfyQrLcv

— 17 (@DxBruyneSZN) May 17, 2023

75’ Eduardo Camavinga ndëshkohet me karton të verdhë. 73' Erling Haaland del përballë Thibaut Courtois pas një kombinimi me Ilkay Gundoganin. Mirëpo belgu ia mbrojti goditjen. Topi pastaj krehu shtyllën para se të dilte jashtë. 70' Marco Asensio (Real Madrid) futet në lojë. Largohet Toni Kroos. 63' Antonio Rudiger (Real Madrid) zë vendin e Luka Modriqit. 63' Ikay Gundogan pranon karton të verdhë. I dyti për Cityn në këtë takim. 56' Dani Carvajal (Real Madrid) zverdhet nga referi. 51' Edersoni mbron një predhë të Alabasë nga distanca. Dëbon topin jashtë fushës. 50' Ruben Dias (City) ndëshkohet me karton të verdhë. 45' Përfundon pjesa e parë. Qytetarët po fitojnë 2:0 me dy golat e portugezit Bernardo Silva. 37' Bernardo Silva e ka realizuar golin e tij të dytë personal por edhe të Cityt ndaj Real Madridit.

BERNARDO SILVA AGAINNNNN WE LOVE YOUUUUpic.twitter.com/4hXXv6X6FB

— 17 (@DxBruyneSZN) May 17, 2023

35' Toni Kroos gjuan nga distanca dhe trondit shtyllën e Edersonit. City ruan avantazhin.

Toni Kroos ?pic.twitter.com/VUI6sAxifp

— VAR Tático (@vartatico) May 17, 2023

  23' Bernardo Silva e ka sjellë avantazhin për Manchester Cityn pas presionit të madh në portën e Realit. Për golin e tij u përkujdes Kevin De Bruyne me një asistim vizionar.

GOAL | Manchester City 1-0 Real Madrid | Bernardo Silvapic.twitter.com/xIuIsEG0Pc

— VAR Tático (@vartatico) May 17, 2023

  21' Thibaut Courtois e ka bërë edhe një tjetër pritje të pabesueshme pas goditjes me kokë nga Erling Haalandi. 13' Erling Haalandi ka plasuar një goditje me kokë afër vijës fatale, por Thibaut Courtois bëri një pritje bravoroze.

Haaland almost scores the first goal of the game, but Courtois makes a great save.pic.twitter.com/O8nITv2ERV

— VAR Tático (@vartatico) May 17, 2023

---

Manchester City dhe Real Madrid luajnë sot ndeshjen e dytë gjysmëfinale të Ligës së Kampionëve. Ndeshja e parë në “Santiago Bernabeu” përfundoi 1:1, ndërkaq mbetet të shihet epilogu i ndeshjes së sontme. Përderisa City kërkon hakmarrjen e eliminimit të beftë që ia shkaktoi Reali në fazën e njëjtë vitin e kaluar, madrilenët e duan finale e dytë me radhë. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS