Cineplexx sjell filmat e nominuar për Oscars 2018-të

Ceremonia e ndarjes së çmimeve Oscars, është një nga evenimentet më të rëndësishme të filmit. E për këtë, rrjeti i kinemave Cineplexx në Kosovë, tashmë ka zyrtarizuar nismën e saj duke realizuar ‘’Javën e Oscars’’ vetëm për adhuruesit e filmave. Cineplexx ka njoftuar se nga data 26 Shkurt deri 4 Mars do shfaq filmat e nominuar për #Oscars2018-të, njofton Klan Kosova. Në njoftim Cineplexx ka dhënë dhe listën e filmave të cilët do të mund t’i ndiqni: 26 Shkurt - Blade Runner 2049 27 Shkurt - Lady Bird 28 Shkurt - Three Billboards Outside Ebbing, Missouri 1 Mars - Victoria and Abdul 1 Mars - Darkest Hour 2 Mars - Get Out 2 Mars - All The Money in the World 3 Mars - The Square 3 Mars - Call Me by Your Name 4 Mars - The Shape of Water Ceremonia e 90-të e Akademisë, e prezantuar nga Akademia e Arteve dhe Shkencave të Filmit, do të nderojë filmat më të mirë të vitit 2017 dhe do të zhvillohet në Teatrin Dolby në Hollywood, Los Anxheles në Kaliforni më 4 mars 2018, njofton Klan Kosova.