Cillian Murphy rezervon rolin e ri në një film që bazohet në histori të vërtetë

Cillian Murphy ka rezervuar rolin e tij të radhës në film. Aktori 47-vjeçar fitoi së fundmi Oskarin e tij të parë. Ai doli fitues në kategorinë e aktorit kryesor për intepretimin e tij në filmin “Openheimer” të Christopher Nolan, transmeton Klankosova.tv. Të hënën u raportua se Cillian do të luajë në një film të ardhshëm të titulluar “Blood Runs Coal”. Filmi do të bazohet në librin e Mark A. Bradley, Blood Runs Coal: The Yablonski Murders and the Battle for the United Mine Workers of America, i cili detajon ngjarjet e botës reale në Pensilvaninë e viteve 1960. Historia fokusohet në Jock Yablonski, një minator qymyrguri i cili mbrojti kushte më të mira pune me Punëtorët e Minierës së Bashkuar pasi një shpërthim në minierë vrau babain e tij. Jock u vra përfundimisht nga presidenti i sindikatës së tij të korruptuar, Tony Boyle. Sipas Deadline, i cili zbuloi lajmin të hënën, Cillian do të portretizojë Chip Yablonski, djalin e Jock-ut, i cili u bë avokat i punës për të arritur drejtësinë për babain e tij. Skenari për Blood Runs Coal do të shkruhet nga dyshja e Edge of Tomorrow, Jez Butterworth dhe John-Henry Butterworth.