Cila është vlera e ekipeve me të cilat Drita do përballet në Conference League?

Ekipi i Dritës nga Gjilani mësoi sot rivalët me të cilët do ndeshet në kuadër të Fazës së Ligës në UEFA Conference League. Shorti nuk u tregua i lehtë për "Intelektualët", të cilët do përballen me ekipe të mëdha si AZ Alkmaar nga Holanda dhe Rayo Vallecano nga Spanja. Gjithsesi përveç këtyre dy ekipeve, kundërshtarët e tjerë që i solli shorti nuk janë të një niveli shumë më të lartë se kampionët tanë, transmeton Klankosova.tv. Ekipi i drejtuar nga Zekirija Ramadani ka vlerë 6.33 milionë euro sipas sajtit të specializuar për çmimet e futbollistëve "Transfermarkt". Ndërkohë rivalët e Dritës kanë vlerën si vijon: AZ Alkmaar - 106.3 milionë Rayo Vallecano - 74.6 milionë Omonia Nicosia - 17 milionë Kups - 6.7 milionë Shkëndija - 5.7 milionë Shelbourne - 3.35 milionë.