Cila është domethënia e logos dhe sloganit të "Eurovision Song Contest 2023"? (VIDEO)

Festivali evropian i këngës “Eurovision Song Contest 2023” këtë vit do të vijë më ndryshe nga se jemi mësuar. Ani pse vitin që lamë pas ishte Ukraina ajo që rrëmbeu fitoren në këtë kompeticion, festivali i sivjetmë nuk do të mbahet në këtë shtet, siç e do rituali i “Eurovision” – i njëjti, do të zhvillohet në Mbretëri të Bashkuar. E gjithë kjo vjen si rezultat i luftës në Ukrainë, ndërsa slogani i festivalit për këtë vit është “United by Music” (Të bashkuar nga muzika), shkruan BBC, transmeton Klankosova.tv. Mediumi britanik BBC, po ashtu ka publikuar promon dhe logon e “Eurovision 2023”, brenda të cilës pasqyrohet origjina e këtij kompeticioni që në fillimet e tij u krijua si një eksperiment për të bashkuar Evropën. Madje, flamujt e Ukraniës dhe MB-së janë përdorur si influencë për skemën e ngjyrave, teksa gjysmëfinalet që do të mbahen 9 dhe 11 maj do të shohin sjellin plot 31 garues, nga të cilët vetëm 20 prej tyre do të kualifikohen për në finalen e madhe të 13 majit. Kujtojmë se këtë vit Shqipëria në këtë garë muzikore do të përfaqësohet nga këngëtarja kosovare, Albina Kelmendi dhe familja e saj me këngën “Duje”. https://www.youtube.com/watch?v=aZxe3Ce6yEI https://www.youtube.com/watch?v=pxI7KVLDvzg