Christian Bale e kishte shmangur Chris Rockun gjatë xhirimeve të filmit të përbashkët

Christian Bale ka thënë që e kishte shmangur Chris Rockun gjatë xhirimeve të filmit sepse nuk mund t’i rezistonte humorit të tij. “Më kujtohet dita e parë, isha shumë i gëzuar që do ta takoja, sepse jam fans i madh i standupit të tij,” ka thënë Bale për IndieWire. “David O. Russell i kishte kërkuar atij që të m’i tregonte disa rrëfime që nuk e dija se do të m’i thoshte, e që është mënyra se si Davidi shpesh punon. Dhe më pëlqente shumë.” “Mirëpo, Chrisi është aq qesharak saqë nuk mund të aktroja, sepse vetëm sa vija e bëhesha Christiani që qeshte me Chris Rockun. Pata shkuar te ai, i pata thënë, ‘Shoku, më pëlqen shumë që të flas me ty dhe kemi miq të përbashkët, por nuk mund ta bëjë më. Sepse Davidi nuk ma ka kërkuar që ta bëj këtë ifdlm vetëm që të më shohë duke u zgërdhirë. Ai po ma kërkon që të jem Burti, dhe po harroj që të jem Burti.”