Mesfushori dhe sulmuesi i Chelsea, Cole Palmer është lënduar dhe do të mungojë për disa javë për shkak të një problemi kronik në ijë që ka kërcënuar rikthimin e tij në këtë sezon.
Lëndimi u riaktivua gjatë një ndeshjeje kundër Manchester Unitedit, kur Palmer u detyrua të largohej vetëm 21 minuta pasi nisi si titullar.
Trajneri Enzo Maresca ka deklaruar se klubi ka zgjedhur të mos kryejë ndërhyrje kirurgjikale për momentin, por të vazhdojë me trajtimin dhe pushimin si masë parandaluese.
Parashikohet që ai të jetë i gatshëm për rikthim në nëntor, që do të thotë se do të humbasë ndeshjet ndaj Nottingham Forest, Ajax, Sunderland dhe Wolves.
Po ashtu, menaxheri i Anglisë, Thomas Tuchel ka shprehur shqetësime se ky problem i ijës mund të bëhet kronik nëse nuk trajtohet mirë./Klankosova.tv
●●●
GSHKRIMI NGA
G.U
Editorial nga Klan Kosova — ndjek sport dhe zhvillimet e tjera kryesore të vendit.
