Chelsea ndalet nga Burnley

Chelsea ka barazuar 1-1 me Burnleyn në xhiron e 27-të të Premier Ligës. Gjithçka nisi mirë për ta kur Joao Pedro shënoi për 1-0 në minutën e katërt të takimit. Por, Wesley Fofana mori kartonin e dytë të verdhë në minutën e 72-të dhe mysafirët e ndëshkuan Chelsean me 1-1 në minutën e tretë shtesë përmes Zian Flemmingut. Chelsea mbetet e katërta me 45 pikë por mund ta humbë këtë vend nga Manchester Unitedi që ka po aq pikë dhe një ndeshje më shumë për ta luajtur.