Çfarë është varianti “Omicron” i COVID-19?

Organizata Botërore e Shëndetësisë ka paralajmëruar një  variant të ri që mund të hyjë në Shtetet e Bashkuara të Amerikës. Raportohet se ky variant ka më shumë mutacione sesa varianti Delta dhe mund të jetë vdekjeprurës. Varianti “Omicron” (B.1.1.529) është varianti më i ri COVID-19 i po konsiderohet si shqetësues. OBSH raportoi për herë të parë për këtë variant më 24 nëntor 2021, pasi një rast u raportua në Afrikën e Jugut në fillim të këtij muaji, më vonë e quajti atë  variant shqetësues dhe u tha se provat e hershme sugjerojnë një rrezik të shtuar të riinfeksionit, shkruan The Sun, transmeton Klankosova.tv. Ekspertët u takuan për të vlerësuar variantin e ri, por ende mbetet e paqartë se sa vdekjeprurës është ai në të vërtetë. Lloji i ri thuhet se ka një numër të lartë mutacionesh në proteinën e virusit dhe në këtë kohë besohet të jetë në pesë vende pasi Belgjika zbuloi rastin e saj të parë më 26 nëntor nga një person i pavaksinuar që kthehej nga jashtë duke shënuar rastin e parë në Evropë. Ndryshe, si rezultat i këtij varianti, Shtetet e Bashkuara të Amerikës kufizuan udhëtimin nga Afrika e Jugut si dhe nga Botsvana, Zimbabve, Namibia, Lesoto, Eswatini, Mozambiku dhe Malavi, e kjo u bë e ditur përmes një deklarate të lëshuar nga Shtëpia e Bardhë.