Budimir për penalltinë: Courtois më shkeli, por jam shumë i lumtur që realizova

Lojtarët e Osasunës arritën një fitore të madhe 2-1 kundër liderëve Real Madrid, me lojtarin kroat Ante Budimir që luajti një rol kyç. Ai fitoi dhe shënoi një penallti pas një vendimi të diskutueshëm të arbitrit që u korrigjua nga VAR. Pas ndeshjes, Budimir komentoi situatën kontroverse. "Ishte një top që e mora para kujtdo tjetër, dhe Courtois vrapoi jashtë dhe më shkeli. Nuk e di pse gjyqtari e pa në atë mënyrë, e dija që ishte penallti. Më vjen keq për gjithçka që po ndodh rreth diçkaje që ishte e qartë", tha Budimir për DAZN, transmeton Klankosova.tv Sulmuesi kroat nuk e fshehu lumturinë e tij për fitoren. "Jam shumë i lumtur, kjo është një ditë e paharrueshme. Nuk e kemi mposhtur Real Madridin për pesëmbëdhjetë vjet dhe kjo është një ditë historike që dua ta shijoj”. /Klankosova.tv