Broja: Ishte fitore e mirë, u mundova me u kënaqë në fushë

Armando Broja asistoi sot një herë në fitoren 3:0 të Shqipërisë ndaj Andorrës në kualifikimet për Kupën e Botës 2026. “Unë isha i kënaqur se u ktheva prej dëmtimit mirë, edhe sot isha i kënaqur që më futi trajneri”, ka thënë Broja për Klan Kosovën. “Lujta ata minuta, u mundova me u kënaq në fushë, me kenë i lirshëm, me lujtë, me folë me shokët, edhe ishte lojë e mirë për ne, edhe një fitore e mirë”. Ai foli edhe për takimin me Anglinë, ku tregoi se po vjen pas një dëmtimi që e mbajti atë me muaj jashtë fushës, prandaj edhe nuk ishte gjithaq i gatshëm për një përballje të atij niveli.