Me rastin e Ditës Botërore të Kancerit, Klinika e Onkologjisë dhe Shoqata e Onkologëve të Kosovës mbajtën të hënën një tryezë, në të cilën u diskutua për sëmundjet malinje dhe sfidat e menaxhimit të tyre në Kosovë dhe në botë.
Ilir Kurtishi, drejtor i Klinikës së Onkologjisë në Shërbimin Spitalor dhe Universitar në Kosovë, tha se trendi i rasteve të personave të prekur nga kanceri në Kosovë mbetet i njëjtë.
“Vitin e kaluar (2018) janë shënuar 1500 raste të reja. Dominojnë rastet e kancerit të gjirit te femrat; kanceri i mushkërive dhe kanceri i zorrës së trashë më shumë te meshkujt sesa te femrat”, tha Kurtishi.
Drejtuesit e Qendrës Klinike Universitare në Prishtinë thanë se ka një vit që për pacientët e prekur nga kanceri, ofrohet shërbim 24-orësh, shkruan radioevropaelirë përcjellë Klan Kosova.
Edhe në vitin 2017, sipas të dhënave nga Instituti Onkologjik, në Kosovë janë shënuar mbi 1500 raste me kancer.
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.
