Lajmet e fundit
Ministria e Shëndetësisë së Brazilit ka filluar sot një fushatë mbarëkombëtare të vaksinimit për të mbrojtur fëmijët nga fruthi dhe poliomieliti.
Kjo iniciativë erdhi pas epidemisë së fruthit që ka prekur më shumë se 1,000 vetë dhe ka lënë të vdekur pesë fëmijë.
Zyrtarët e shëndetësisë shqetësohen gjithashtu se poliomieliti mund të kthehet në mesin e kombit më të madh të Amerikës Latine, brazilianëve.
Rastet e fruthit janë kryesisht të përqendruara në shtetet veriore të Amazonës dhe Roraima ku mijëra refugjatë venezuelas po kalojnë kufirin për të ikur nga vështirësitë ekonomike e politike e nga një sistem shëndetësor i dështuar në shtetin e tyre, shkruan AP, përcjell Klan Kosova.
Shumë prej tyre janë të sëmurë dhe nuk janë imunizuar.
Isabella Ballalai, president i Shoqatës braziliane të imunizimit deklaroi se nëse populli i tij në veri, i cili mirëpriti refugjatet venezuelas, do të vaksinohej, atëherë sipas atij ata nuk do të merreshin me këtë çeshtje.
"Ne do të merreshim me një problem të vogël", tha Ballalai.
Qëllimi i kësaj nisme është që deri në fund të muajit të vaksinohen të paktën 95 për qind të fëmijëve të moshave nga 1 deri në 5 vjet.
