Bonucci në paqe pas vendimit për pensionim

Leonardo Bonucci, ka thënë se është në "paqe" në vetvete pas vendimit për pensionimit nga futbolli.

Ai tha se ka besim se ‘futbolli do të më japë më shumë në të ardhmen’.

Veterani vendosi të varë këpucët këtë verë pas eksperiencave në Juventus, Milan, Union Berlin dhe Fenerbahçe.

“Jam i lumtur me atë që kam përjetuar, ka ardhur momenti i duhur për të thënë mjaft dhe jam në paqe me veten time”, tha Bonucci për Sky Sport Italia transmeton Klankosova.tv

“Në çdo rast, futbolli do të më japë më shumë në të ardhmen. Tani për tani, dua të gjej kohë për të shijuar kohën me familjen time, pasi më duhet të kompensoj gjithë ato vite të kaluara në fusha anembanë Evropës.”