Boksierët shqiptarë sonte në ring në Austri – direkt në Artmotion

Të shtunën, më 18 tetor 2025, në Korneuburg të Austrisë, do të zhvillohet mbrëmja e boksit “Boxen in Korneuburg”, nën organizimin e Timy Shala (Simba Sports Boxing) dhe mbikëqyrjen e Federatës Austriake të Boksit. Në mesin e shumë dueleve interesante, spikasin dy përballje kryesore: kampioni në kategorinë superwelterweight, Dielli Vranoci, do të përballet me Ahmet Simsek, në një ndeshje ku Vranoci synon të bëjë hapin e radhës drejt dominimit edhe në një peshë më poshtë – welterweight. Po ashtu, Bernardin Jakaj do të sfidojë Michel Marcano, në një duel që pritet të jetë ndër më të fortët e mbrëmjes. Ky event sjell bashkë emra të njohur nga Kosova, Ballkani dhe bota, duke garantuar spektakël të vërtetë në ring. Mbrëmja do të transmetohet drejtpërdrejt në Artmotion, në kanalin Sport 5 nga ora 20:15. /Klankosova.tv