Shqipëri: Në banesën e partneres së Arben Ahmetajt gjenden 30 mijë euro

Byroja Kombëtare e Hetimit ka zbarkuar mbrëmjen e së enjtes në banesën e partneres së ish-zëvendës kryeministrit shqiptar Arben Ahmetaj në Durrës, ku ka gjetur 30 mijë, raporton euronews.al, transmeton Klan Kosova.

Bëhet e ditur se në kuadër të hetimeve të SPAK-ut lidhur me inceneratorët ku Ahmetaj është person nën hetim, ka burime se një nga ndërtesat e partneres së Ahmetajt ka qenë objekt i kontrollit të BKH me urdhër të SPAK.

“Konfirmohet se gjatë javës së fundit në bazë të një dokumenti, SPAK ka bërë sekuestrimin e praktikës lidhur me disa vila të bashkëshortes dhe ish-bashkëshortes së Ahmetajt, një vilë në bregdet në jug dhe 1 në Durrës si dhe disa apartamente në Tiranë”, raportoi euronews.

*Klikoni KËTU për t’u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.