Bjeshka e Bukoshit, spital natyror për shëndetin e njeriut (VIDEO)

Rruga që të shpie nga fshati Bukosh për në bjeshkën e fshatit zgjatë rreth 30 minuta. Për të arritur në destinacionin e dëshiruar duhet kaluar nëpër disa fshatra të komunës së Suharekës, që e bënë udhëtimin një aventurë të pasur. Sapo mbaron asfalti, fillon një rrugë e cila është vështirë e kalueshme me automjete të vogla. Sa më lartë ngjiteni për në majën e bjeshkës së Bukoshit aq më të mëdha bëhen edhe bukuritë. Arritja në majën e bjeshkës, të falë një kënaqësi sikur ke arritur një qëllim jetësor. Karakteristikat e kësaj bjeshke janë të shumta, madje edhe rrymimet e shumta e bëjnë të jetë pothuajse sikur një spital natyror për shëndetin e njeriut. Bjeshka e Bukoshit është vendi ideal për të i kushtuar kohë shëndetit dhe për të shijuar bukuritë e mëdha që ka. https://www.youtube.com/watch?v=cqrX1dP-WFw