Binjakët e Mariah Careyt vallëzojnë teksa ajo performon për Ditën e Falënderimeve

Binjakët 11-vjeçarë të ikonës së muzikës pop Mariah Carey, Monroe dhe Moroccan, e mbështetën nënën e tyre gjatë performancës për nder të Ditës së Falënderimeve. Këngëtarja 52-vjeçe mbylli paradën e Ditës së Falënderimeve duke interpretuar këngën e saj hit "All I Want for Christmas Is You", ndërsa dy fëmijët e saj vallëzonin pas saj, shkruan "People", transmeton Klankosova.tv. Carey u shfaq me një fustan të kuq si sirenë me një bisht të gjatë të cilin e kishte zbukuruar diamant më shumë se 80 karatësh nga koleksioni i 110-vjetorit të "Hamilton Jewelers", si dhe një diademë shkëlqyese sipër kokës së saj. Po ashtu, ajo mbajti një ombrellë në njërën dorë gjatë gjithë performancës. Ndërkaq Monroe kishte fustan të bardhë, ndërsa Maroccan kishte veshur një xhup të kuq dhe pantallona të zeza me një zinxhir floriri rreth qafës. “Gëzuar ditën e falënderimeve! Mirënjohëse dhe krenare për fëmijët e mi të bukur Roc dhe Roe, mirënjohëse edhe për momentet e çmuara në jetë”, ka shkruar Carey teksa ka ndarë me ndjekësit imazhe nga performanca. Carey ndan binjakët e saj me ish-bashkëshortin Nick Cannon, i cili së fundmi mirëpriti fëmijën e tij të 11-të dhe së shpejti do të bëhet baba i 12 fëmijëve. /Klankosova.tv