Bill Gates sugjeron që barnat janë më efikasë për humbje të peshës se ushtrimet dhe dieta

Bill Gates beson se obeziteti është një problem që paraja nuk mund ta zgjidhë dhe promovon ndryshime të caktuara të sjelljes, së bashku me përdorimin e barnave për humbje peshe, për të trajtuar këtë gjendje, shkruan Indian Express. Në një bisedë të fundit me podkasterin Raj Shamani, biznesmeni amerikan foli për rëndësinë e barnave GLP-1, të cilat imitojnë një hormon natyror në trup që rregullon nivelin e sheqerit në gjak dhe oreksin, së bashku me ndryshimet e stilit të jetesës të nevojshme për të kontrolluar problemin e obezitetit. “Klasa më premtuese e barnave janë këto barnat GLP-1, të cilat së shpejti do të dalin nga patenti dhe do të bëhen të lira. Unë gjithmonë përqendrohem pak si tepër në zgjidhjet shkencore. Pra, ndoshta një kombinim i atij ndryshimi të sjelljes dhe mjeteve të reja. Por ndryshimi i sjelljes është i vështirë; ne nuk kemi arritur sukses aq sa do të donim,” tha filantropi pas sugjerimeve se joga dhe dieta janë më efektive. “Ka shumë diskutime rreth obezitetit, dhe kur u takova me kryeministrin indian Narendra Modi, ai fliste për gjëra të ndryshme të tipit joga të cilat njerëzit duhet t'i adoptojnë. Por ka qenë e vështirë. Jo shumë vende kanë arritur t'ua ndryshojnë sjelljet", ka thënë Gates.