Bileta e lotarisë që iu dhurua nga një mik për krishtlindje, i solli çmimin 100 mijë dollarë

Një burrë nga Baltimore në ShBA fitoi çmimin prej 100 mijë dollarësh nga një biletë fati që e mori si dhuratë Krishtlindjesh nga një mik. Ai tregoi për autoritetet e Lotarisë së Marylandit se së bashku me gruan morën nga një biletë si dhuratë nga një mik. "Bileta ime ishte një Snowflake Tripler. Pasi gruaja ime nuk fitoi me të sajën, fillova të gërvishtja", tha ai. Fillimisht, ai mendoi se kishte fituar 10 mijë dollarë, por më pas e kuptoi se kishte fituar 100 mijë. "Thjesht nuk mund ta besoja", shtoi ai. Fituesi shkoi për ta skanuar biletën në një dyqan dhe kur u kthye në festë, atmosfera u bë edhe më e gëzuar.