Bija e Bruce Lee kërkon 30 milionë dollarë për logon me portretin e të atit

Një gjykatë kineze  ka nisur shqyrtimin e padisë që bija e legjendës së arteve marciale, Bruce Lee, Shanon ka ngritur ndaj një zinxhiri të njohur të ushqimit të shpejtë, përvetësimin e imazhit të superyllit të Kung Fu-së. Bruce Lee Enterprises, përfaqësuesi ligjor i së cilës është Shannon Lee, po kërkon 210 milionë juanë (30 milionë dollarë) dëmshpërblim nga zinxhiri Zhengongfu, raporton Shanghai Daily, transmeton Klankosova.tv. Ajo po pretendon se restoranti ka përdorur imazhin e babait të saj si logo pa autorizim. Bruce Lee Enterprises tha se ka të drejta dhe interesa të lidhura me Bruce Lee dhe ka regjistruar rreth 60 marka tregtare të lidhura në territorin kinez. Por Zhengongfu kundërshtoi se marka e saj tregtare është regjistruar dhe autorizuar nga Zyra e Markave Tregtare e Administratës Kombëtare të Pronësisë Intelektuale të Kinës. Rrjeti i restoranteve u themelua në vitin 1990. Ai ndryshoi emrin nga "Seed Double Food" në "Zhengongfu" dhe hapi pikën e parë me logon e diskutueshme në 2004. Ajo e ridizajnoi atë në vitin 2016 nga konkrete në abstrakte, transmeton Klankosova.tv. Por logoja origjinale përdoret ende në faqen zyrtare të restorantit. Zhengongfu tha në faqen e saj të internetit se deri në vitin 2030, numri i përgjithshëm i dyqaneve të saj në mbarë botën do të arrijë në 20,000, me të ardhura vjetore operative që tejkalojnë 150 miliardë juanë. Shannon Lee gradualisht bleu pronësinë e filmave dhe markave tregtare të babait të saj në SHBA në vitin 2010. Ndësra në Kinë, ajo krijoi një zyrë për të mbrojtur të drejtat e autorit të imazhit të babait të saj, përcjell Klankosova.tv.