Ceremonia e ndarjes së çmimeve BET ka njoftuar se ky eveniment gjigand do të mbahet më 13 nëntor të këtij viti në Las Vegas.
Aktori, komediani dhe shkrimtari Deon Cole do të jetë nikoqir i spektaklit, ndërkaq për një detyrë të tillë ai është shprehur i privilegjuar, shkruan CNN, transmeton Klankosova.tv.
“Është vërtetë një privilegj të më jepet kjo mundësi për të shënuar trashëgiminë e Don Cornelius, të gjithë talentin e mahnitshëm që ndriçoi ekranet tona në shfaqjen ikonë televizive dhe zhanret e mia të preferuara të muzikës: Soul, R&B dhe Hip Hop”, ka thënë ai në një deklaratë.
Artistet, Beyonce dhe Mary J. Blige kryesojnë nominimet e këtij viti, me nga shtatë sosh secila.
Pas tyre vjen Ari Lennox me gjithsej gjashtë nominime, ndërsa Lizzo dhe Chris Brown janë të barabartë me nga pesë secili, të ndjekur nga Burna Boy, Muni Long dhe Steve Lacy me nga katër.
Këngëtarët Bruno Mars, Anderson Paak, Silk Sonic, PJ Morton dhe Tems fituan secili nga tre nominime. /Klankosova.tv
●●●
VSHKRIMI NGA
V.R.
Editorial nga Klan Kosova — ndjek kulturë dhe zhvillimet e tjera kryesore të vendit.
