Beshiktashi po përgatitet për një lëvizje të bujshme për të forcuar skuadrën gjatë merkatos së transferimeve.
Skuadra bardhezi ka vendosur në shënjestër yllin belg Leandro Trossard, i cili luan me fanellën e Arsenalit në Premier Ligën angleze.
Drejtuesit janë në kërkim të një lojtari që do të rrisë cilësinë në repartin ofensiv, dhe Trossard është vendosur në qendër të këtij plani, transmeton Klankosova.tv.
Futbollisti 29-vjeçar, i njohur për larmishmërinë që i sjell repartit sulmues, me paraqitjet e tij te Arsenali ka tërhequr vëmendjen e shumë klubeve.
Drejtuesit e Beshiktashit kanë filluar të shqyrtojnë kushtet e nevojshme për transferimin e Trossard. Kostoja e lojtarit dhe qëndrimi i Arsenalit në lidhje me këtë çështje do të jenë faktorët më të rëndësishëm që do të përcaktojnë ecurinë e bisedimeve. Merkato në Turqi mbyllet më 12 shtator.
●●●
SZSHKRIMI NGA
Sh Z
Editorial nga Klan Kosova — ndjek sport dhe zhvillimet e tjera kryesore të vendit.
