Berisha pas rikthimit te Kosova: Trajneri i ri ka sjellë motiv të ri, ka shumë pozitivitet

Futbollisti i Kosovës, Bernard Berisha, i rikthyer në kombëtare shprehu kënaqësinë dhe nderin që ndjen duke qenë pjesë e Kombëtares së Kosovës.

Berisha, mes tjerash potencoi se trajneri i ri Franco Foda ka sjell një ndryshim brenda skuadrës.

“Trajneri i ri ka sjellë motiv të ri. I shoh të gjithë të angazhuar, duhet të vazhdojmë të jemi kompakt dhe ta ndihmojmë njëri-tjetrin. Ka shumë ndryshime, shumë pozitivitet. Shpresoj që në ndeshjen me Norvegjinë të tregojmë një ndeshje të mirë dhe të dëshmojmë që kemi potencial dhe që synojmë kualifikimin”, tha Berisha.

Ndryshe, Kosova do të përballet me Norvegjinë me datën 5 qershor në Oslo.