Beqiri: Spanja na tha të marrim pjesë në Kampionatin Mesdhetar të karatesë pa simbole, por ne nuk e lejuam këtë

Kryetari i Federatës së Karatesë së Kosovës, Alban Beqiri, ka treguar se garuesve nga vendi ynë u ka dalë një problem me pjesëmarrjen e tyre në Kampionatin Mesdhetar në Guadalajara të Spanjës. Në emisioni “Sporti Special” në Klan Kosova, ai ka thënë se ata derisa ishin duke shkuar për të marrë akreditimet nuk u është lejuar paraqitja me simbolet shtetërore. Beqiri shtoi se ata nuk e pranuan këtë në asnjë formë, por sipas tij, e kanë gjetur një zgjidhje. “Jemi dakorduar që simbolet shtetërore të largohen për të gjitha shtetet garuese që janë në Kampionatin Mesdhetar”. “Kështu të gjitha shtetet do të marrin pjesë, por pa simbole, pas kësaj ne kemi pranuar të marrin pjesë”, ka thënë Beqiri. Në këtë mesdhetar marrin pjesë 16 shtete me 582 garues, Kosova merr pjesë me 48 garues në garat individuale dhe ekipore. /Klankosova.tv