Benfica shpreh interesim për Cancelon

Joao Cancelo ka dhënë dritën jeshile për Barcelonën për të vazhduar edhe pas këtij sezoni, ndërkohë që klubi po shtyn për ta bërë atë pjesë të përhershme të skuadrës. Sipas gazetës "Diario AS", për mbrojtësin e krahut të djathtë, i cili aktualisht është i huazuar nga Al-Hilal, qëndrimi në Barcelonë është një opsion "po ose po", transmeton Klankosova.tv. Cancelo është i vendosur të mbetet në Katalunia dhe nuk ka asnjë plan për t'u rikthyer në Arabinë Saudite. Në klubin katalanas, drejtuesit sportivë dhe trajneri Hansi Flick e shohin Cancelon si një element kyç për sezonin e ardhshëm, veçanërisht për shkak të aftësisë së tij për të luajtur në të dy krahët e mbrojtjes. Për këtë sezon, 31-vjeçari ka zhvilluar tashmë 16 ndeshje, duke shënuar një gol dhe dhënë tre asistime, duke fituar besimin e stafit teknik. Në planin financiar, marrëveshja për transferimin e përhershëm të Cancelos mbetet e ndërlikuar. Ai ka një kontratë me Al-Hilal deri në vitin 2027, por raportohet se lojtari është i gatshëm të ulë pagën e tij për të mundësuar kalimin në Barcelonë. Klubi katalanas shpreson të arrijë një marrëveshje për një çmim më të ulët se 15 milionë euro, ndërsa dëshira e lojtarit për të qëndruar ofron një avantazh të madh për Barcelonën. Për momentin, klubi do të presë përfundimin e garës për titull në La Liga para se të marrë vendimet përfundimtare, por qëndrimi i Cancelos tashmë është i sigurt.