Bellerin “shpëton” Betisin në fund, Reali ndalet në barazim

Real Betis dhe Real Madrid ndanë pikët në një barazim 1-1, në një ndeshje të mbushur me raste, por që u vendos vetëm në çastet e fundit. Skuadra madrilene ishte pranë fitores, por në minutën e 94-të u ndëshkua nga Hector Bellerin, i cili shënoi golin e barazimit dhe shpëtoi Betisin nga humbja në sekondat e fundit, transmeton Klankosova.tv. Pavarësisht dominimit dhe rasteve të shumta nga të dyja anët, rezultati mbeti i ngushtë, duke reflektuar mungesën e konkretizimit para portës. Pas këtij barazimi, Reali mbetet me 74 pikë në La Liga, tetë më pak se Barcelona, e cila është shumë pranë shpalljes kampione dhe praktikisht ka siguruar titullin. Në xhiron e ardhshme, Real Madridi udhëton te Espanyol, ndërsa Betisi do të presë Real Oviedo.