Belgjikë: Policia gjen piktura të vjedhura të Picassos dhe Chagallit në vlerë rreth 830 mijë euro

Policia belge ka gjetur piktura të vjedhura të Picassos dhe Chagallit në një bodrum në qytetin Antwerp, kanë thënë të martën autoritetet lokale, duke shtuar se veprat e artit janë në gjendje të mirë. Pikturat, “Tête” e Picassos dhe “L’homme en prière” e Chagallit, ishin vjedhur nga një koleksionues arti në Tel Aviv, Izrael, më 2010 dhe vlejnë rreth 830 mijë dollarë, raporton CNN, transmeton Klankosova.tv. Në kohën e vjedhjes, edhe 625 mijë euro stoli tjera ishin vjedhur, por vetëm pikturat janë gjetur. Policia lokale ka nisur një hetim kur një burim i ka informuar ata se një shtetas belg do t’i ofronte për shitje dy veprat e artit. Prokurori lokal tha se i dyshuari kryesor është arrestuar. /Klankosova.tv