BE-ja ka marrë doza të mjaftueshme për të vaksinuar plotësisht 70% të të rriturve

Bashkimi Evropian ka marrë doza të mjaftueshme vaksinash për të vaksinuar plotësisht 70% të popullsisë së saj të rritur. Shefi i Komisionit tregoi në një deklaratë se rreth 500 milionë doza do të shpërndahen në 27 vendet anëtare, duke i vendosur në një pozicion për të vaksinuar plotësisht të paktën 70% të  rriturve të BE-së në këtë muaj, raporton Euronews, transmeton Klankosova.tv. Sipas Gjurmuesit të Vaksinave të Qendrës Evropiane për Parandalimin dhe Kontrollin e Sëmundjeve, 63.8% e popullsisë së bllokut të moshës 18 vjeç e lart ka marrë të paktën një dozë të vaksinës. Më shumë se 320 milionë dozat e marra nga vendet e BE deri më tani kanë qenë nga Pfizer / BioNTech, AstraZeneca / Universiteti i Oksfordit ka shpërndarë 84 milionë doza, Moderna 43.3 milionë dhe Johnson & Johnson, që prodhon një vaksinë me një dozë të vetme, ka dhënë 18 milionë doza. Njoftimi i Von der Leyen vjen derisa disa shtete anëtare kanë rivendosur masat për të frenuar rritjen e rasteve të reja të variantit Delta i cili fillimisht u përhap në Indi. Çertifikata digjitale e BE hyri në fuqi në 1 Korrik dhe dëshmon nëse mbajtësi është vaksinuar, testuar negativisht kohët e fundit ose është rikuperuar nga sëmundja, transmeton Klankosova.tv.