BE: Bllokimi i drithërave të Ukrainës nga Rusia është krim i vërtetë lufte 

Bllokada ruse e miliona tonëve të drithërave ukrainas është një "krim i vërtetë lufte", thotë shefi i politikës së jashtme të BE-së, Josep Borrell. "Është e paimagjinueshme - nuk mund të imagjinohet që miliona tonë grurë të mbeten të bllokuara në Ukrainë, ndërsa në pjesën tjetër të botës njerëzit vuajnë nga uria" tha  Borrell, raporton BBC, transmeton Klankosova.tv. “I bëjmë thirrje Rusisë që të zhbllokojë portet [ukrainase]”. Ministrat e jashtëm të BE-së po takohen për të diskutuar krizën. Vendet perëndimore kanë kërkuar nga Rusia të ndalojë bllokimin e porteve të Ukrainës në Detin e Zi dhe të lejojë depot e mëdha të drithit të arrijnë në tregjet botërore. Bllokada ka shkaktuar paralajmërime se dhjetëra miliona njerëz janë në rrezik të urisë dhe ka bërë që çmimet e ushqimeve të rriten.