Bayern e mposht Barcelonën

22:45 - Bayern e ka mposhtur Barcelonën me rezultat 3:0. Thomas Muller i kaloi gjermanët në epërsi në minutën e 35-të. E dyfishoi Leroy Sane, pas tetë minutash lojë. Vulën takimit ja dha Jamal Musiala. 22:21 - Bayern Munchen e ka trefishuar epërsinë kundër Barcelonës. Ishte Jamal Musiala, i cili e realizoi golin në 62-të, pas një depërtimi të shpejtë të Anthony Davies. 21:43 -  Ka ardhur edhe goli i dytë në "Fussball Arena". Janë bavarezët ata që realizuan golin e dytë. Leroy Sane, shënoi pas një goditje të fuqishme jashtë 16 metërshit. 21:35 -  Bayern Munchen ka kaluar në epërsi ndaj Barcelonës. Autor i golit është Thomas Muller. Ai realizoi në minutën e 35-të pas asistimit të Rober Lewandowskit. 21:00 - Ka nisur ndeshja Bayern Munchen - Barcelona. Bayern Munchen e ka siguruar kualifikimin në Champions League pasi gjendet në vendin e parë të grupit, ndërsa Barcelona gjendet në të dytin, por kjo nuk i mjafton për të qenë e qetë, pasi që rrezikohet nga Benfica, e cila është në vendin e tretë me vetëm 2 pikë më pak. Në rast se Barcelona humb ndaj Bayernit dhe Benfica nxjerr 3 pikë ndaj Dinamo Kievit, katalunasit mund të ndajnë rrugët që tani me garën më interesante në Evropë. Kjo ndeshje transmetohet drejtpërdrejt në Klan Kosova.