Lajmet e fundit
Trajneri i Llapit, Tahir Batatina e ka uruar presidentin e klubit të Ballkanit, Arsim Kabashi, pasi ekipi nga Suhareka u shpall kampion në Podujevë pas fitores 0-1 ndaj Llapit.
Batatina tha se gabimet që kanë ndodhur në Gjilan kanë ndikuar që Llapi të mos shpallet kampion, por tha se objektivi tash mbetet që Llapi të paraqitet sa më mirë në Evropë.
“Jemi të kënaqur me angazhimin e lojtarëve por mendoj se Arsim Kabashi u bë kampion e jo Ilir Daja. Dua të bëhem kampion me meritë. Ballkanit i uroj fitoren, por ia uroj Astrit Kabashit sepse ai është bërë kampion”.
“Gabimet që kanë ndodhur në Gjilan kanë ndikuar që të mos shpallemi kampion dhe objektivi im dhe i skuadrës është të dalim në gara të Evropës sa më mirë”, tha Batatina, njofton Klankosova.tv.
Ai më tej foli edhe për finalen e Kupës së Kosovës ku do të ndeshen Prishtina e Ballkani, për të cilën tha se “mendoj që Prishtina e meriton Evropën, e jo një lagje si Malisheva”
