Basketbollisti amerikan "nokauton" serbin në Beograd (VIDEO)

Një ngjarje e rëndë ka ndodhur në natën e 4 dhe 5 majit në Beograd, ku janë përfshirë katër basketbollistë të skuadrës vendase të Partizanit. Siç raporton Sportal, pas një përleshje fizike, dy persona kanë pësuar lëndime të lehta ndërkaq njëri ka pësuar lëndime të rënda. Të përfshirë në këtë incident ishin amerikanët, Carlik Jones dhe Sterling Broën, kongolezi me pasaportë gjermane, Isaac Bonga dhe Frank Ntilikina, që ka pasaportë të Ruandës dhe Francës. Mësohet se ngjarja ka ndodhur pasi basketbollistet kanë mbrojtur vajzat të cilat po ofendoheshin vazhdimisht nga një grup meshkujsh.

Haos ispred noćnog kluba "Bank" rano ujutru u ponedeljak pic.twitter.com/FBR7wbKMNR

— sportsscandals (@sportsscandals1) May 5, 2025

“Ata provokuan vajzat vetëm se ishin në shoqërinë e basketbollistëve. Mendoj se i ofenduan edhe për baza racore. Më pas ata u larguan nga klubi dhe prisnin basketbollistët jashtë, ku ndodhi një përleshje e përgjithshme”, tha një dëshmitar okular për Sportal.bg, transmeton Klankosova.tv. Ndërkohë, në rrjetet sociale është shfaqur edhe një video ku shihet një burrë, për të cilin dëshmitarët okularë dhe viktimat pretendojnë se është Carlyk Jones, duke goditur me shishe një person tjetër në kokë. Policia më pas ka mbërritur në vendngjarje, ku ka konstatuar tre të plagosur me inicialet M. K., N. Y. dhe Y. K. Sipas raportimeve, viktimat kanë dhënë tashmë deklarime në polici dhe kanë thënë se në përleshje janë përfshirë lojtarë të Partizanit.