Basketboll, sot dy përballje interesante në Superligë, vëmendja në Suharekë

Xhiroja e dytë në Prince Caffe Superligën e Kosovës do të sjellë ndeshje shumë interesante. Ndeshja e parë do të zhvillohet sot ndërmjet kampionit aktual, Golden Eagle Yllit dhe kampionit të trembëdhjetëfishtë të Kosovës, Sigal Prishtinës. Te Ylli rikthehet trajneri Adis Beciragiq, i cili mori pjesë në Kampionatin Evropian të basketbollit me Bosnje e Hercegovinën, kurse te Prishtina u largua trajneri Ekrem Memnun. Të dy skuadrat pësuan në xhiron e parë. Therandasit humbën nga Rahoveci me rezultat 90:88, kurse prishtinasit nga Peja 70:76, transmeton Klankosova.tv. Sfida e dytë e ditës së shtunë zhvillohet mes Ponte Prizrenit dhe Pejës. Prizrenasit kërkojnë fitoren e parë në këtë edicion, pas humbjes nga mitrovicasit në xhiron e parë, kurse pejanët hyn pas fitores ndaj kryeqytetasve dhe do të mundohen të vazhdojnë serinë pozitive. Java 2 E shtunë 17:00 Golden Eagle Ylli - Sigal Prishtina 19:00 Ponte Prizreni - Peja