Bashkimi për herë të katërt radhazi apo Peja 03 për të parën në histori?

Sonte vendoset gjithçka, kampionet e reja të Kosovës në basketboll për femra do të kurorëzohen pas ndeshjes së shtatë finale. Pas gjashtë përballjeve spektakolare dhe me rivalitet të madh, seria finale mes Bashkimit dhe Pejës 03 ka arritur kulmin, me rezultatin e barabartë 3:3. Dueli vendimtar zhvillohet sonte nga ora 19:30 në palestrën “Karagaçi” në Pejë, aty ku do të mësohet emri i skuadrës kampione për këtë edicion, njofton Klan Kosova. Do të jetë Bashkimi që synon titullin e katërt radhazi, apo Peja 03 që kërkon të shkruajë histori duke e fituar për herë të parë kampionatin? Kjo përballje pritet të sjellë emocione të mëdha dhe do të transmetohet drejtpërdrejt në Artmotion.