Sot do të zhvillohet ndeshja e katërt e “Play-offit” të finaleve në EBC Ligën e Femrave ndërmjet Penzës dhe Bashkimit. Portokall e zinjtë prizrenase kanë kaluar në avantazh me seri prej 2:1 takimin e kaluar ndaj Penzës dhe nesë e fiton përballjen e ditës së hënë, shpallen kampione. Ndërsa nëse fitojnë vashat pejane, atëherë do të zhvillohet ndeshja e pestë. Takimi i katërt zhvillohet të hënën, me fillim prej orës 19:00, drejtpërdrejt në Art Sport 1.
19:00 PENZA - BASHKIMI ART SPORT 1
Dy rivalet kryesore për titull kampion, Bashkimi dhe Penza do të sfidohen për herë të katërt, ku mund të përcaktohet titulli kampion. Takimin e parë e fitoi skuadra pejane me rezultat 63:84 teksa në ndeshjen e dytë vashat prizrenase fituan me rezultat të ngushtë 70:65. Ndërsa ndeshja e tretë ishte në favor të Bashkimit që kaluan në seri prej 2 fitore e 1 humbje në këto finale.
Në sezonin e rregullt, këto dy skuadra ishin përballur katër herë, ku tri herë fitoi Bashkimi dhe njëherë Penza. Bashkimi përndryshe ishte edhe në finale të Kuës ku u mposhtën ng Prishtina.
Në ditën e hënë mund të përcaktohet fituesja e titullit kampion, nëse Bashkimi fiton. Por nëse fiton Penza, atëherë finalja e madhe do të zhvillohet të enjten.
●●●
SZSHKRIMI NGA
Sh Z
Editorial nga Klan Kosova — ndjek sport dhe zhvillimet e tjera kryesore të vendit.
