Barcelona përballë një vendimi të vështirë në sulm

Barcelona po planifikon afrimin e një sulmuesi të ri për sezonin e ardhshëm, me Julian Alvarez si objektivin kryesor. Sipas mediave spanjolle, për të realizuar këtë transferim, klubi duhet të ulë masën e pagave dhe të lirojë hapësirë në skuadër. Si pasojë, njëri mes Robert Lewandowskit dhe Ferran Torresit pritet të sakrifikohet. Edhe pse polaku shihet si kandidati kryesor për largim për shkak të moshës, drejtuesit nuk përjashtojnë as shitjen e Ferran Torres, që mund t’i sjellë klubit të ardhura të rëndësishme. /Klankosova.tv