Barcelona deklason PSV-në, shkëlqen Messi

Barcelona ka shënuar fitore në shtëpi kundër PSV Eindhoven, në ndeshjen e parë të sezonit të ri të Ligës së Kampionëve. Katalunasit mposhtën kampionin holandez me rezultat 4:0, njofton Klan Kosova. I jashtëzakonshëm në këtë ndeshje ishte Lionel Messi i cili shënoi tri gola, duke hapur kështu edicionin me një hat-trick. Messi e hapi serinë e golave për Barcën në minutën e 32-të duke shënuar nga gjuajtja e lirë. Pjesa e dytë ishte më dinamike për kampionin spanjoll, me më shumë sulme dhe posedim të topit. Golin e dytë katalunasit e shënuan në minutën e 75-të përmes Ousmane Dembele. Dy minuta më vonë përsëri argjentinasi Messi shënoi pas asistimit të Ivan Rakitic. Në minutën e 79-të një ndërhyrje joprofesionale nga mbrojtësi i Barcelonës, Samuel Umtiti, bëri që ai të ndëshkohet me karton të kuq dhe Barcelona të mbetet me një lojtar më pak në fushën e blertë. Mirëpo kjo nuk paraqiti asnjë problem për spanjollët, të cilët shënuan edhe një gol. Edhe këtë herë Messi ishte i pagabueshëm. Barcelona tani i prinë grupit B dhe ka pikë të barabart me Inter, i cili e mposhti Tottenham-in me rezultat 2:1. https://www.youtube.com/watch?v=k4WG78XI5f8 https://www.youtube.com/watch?v=XGMUJwgkluo https://www.youtube.com/watch?v=p6iRGuD_j1s https://www.youtube.com/watch?v=-TivXWvCIs4