Barazuan të dielen 4-4, sot Inter dhe Juventus kërkojnë pikët e plota

Serie A vazhdon me katër ndeshje në mbrëmjen e sotme. Vëmendja kryesore është në "Allianz" dhe "Carlo Castellani", ku përballen Juventus - Parma, respektivisht Empoli - Inter, njofton Klankosova.tv. "Zonja e Vjetër" dhe "Nerazzurët" barazuan të dielen në derbin e Italisë me rezultat 4-4, andaj sonte të dyja këto skuadra synojnë maksimumin e pikëve, për ta mbajtur hapin me liderin. Napoli mbrëmë fitoi 0-2 në "San Siro" kundër Milanit dhe e ka rritur distancën me përcjellësit. Ekipi i Amir Rrahmanit ka grumbulluar 25 pikë, shtatë më shumë se Inter i vendit të dytë, dhe tetë më shumë se Juventus që renditet i treti. Nga ana tjetër, skuadra e Ardian Ismajlit me doemos do të provojë ta ndal kampionin aktual, për t'i ikur zonës së rrezikut, duke qenë se me 11 pikë sa ka aktualisht, vetëm 3 sosh i ka më shumë se vendi që të dërgon në Serie B, raporton Klankosova.tv. Empoli - Inter fillon në orën 18:30 dhe tranmetohet direkt në kanalin Sport 1 të platformës gjigante, Art Motion! Ky duel do të komentohet nga Arlind Sadiku. Edhe përballja tjetër mes Juventus dhe Parmës, transmetohet direkt në kanalin Sport 1 të Art Motion, me fillim në orën 20:45, me komentim të Andi Shabanit. [caption id="attachment_2409877" align="alignnone" width="2000"] Kampionati italian "Serie A" ekskluzivisht në Art Motion[/caption]