Ballkani ende me shpresa për titull, mposht Ferizajn

FC Ballkani ka marrë një fitore të rëndësishme në luftën për titull, duke mposhtur në shtëpi FC Ferizajn me rezultat 2-0. Goli i parë erdhi në minutën e 22-të, kur Giovanni realizoi me kokë pas një harkimi të saktë, raporton Klankosova.tv. Mysafirët arritën të gjejnë rrugën e rrjetës, por goli i tyre u anulua për pozitë jashtë loje, duke lënë rezultatin të pandryshuar. Në pjesën e dytë, Valentin Serebe dyfishoi epërsinë në minutën e 80-të. Ndërkohë, fitorja u vulos në minutën e 88-të nga Diar Vokrri, i cili mposhti portierin mysafir për të siguruar tre pikët. Me këtë sukses, Ballkani shkon në kuotën e 52 pikëve, duke mbetur në garë për titullin, ndërsa Ferizaj renditet në pozitën e tetë me 33 pikë.