Ballkani e mposht Prishtinën e Re – Llapi ia bën sefte fitores në Superligë

Llapi e ka shënuar fitoren e parë në Superligës pas shtatë xhirove pasi e mposhti Gjilanin me rezultat të thellë prej 4:1. Gnapi e hapi serinë e golave për llapjanët në minutën e 3-të, kurse Peci e dyfishoi epërsinë në minutën e 22-të. Në pjesën e parë, Llapi shënoi edhe një herë me Ramadanin, kurse katër minuta pasi nisi pjesa e dytë, Gnapi realizoi për 4-0, kurse golin e nderit, Gjilani e shënoi në minutën e 69-të, njofton Klankosova.tv. Fitore shënoi edhe Ballkani në udhëtim te Prishtina e Re me rezultat 0:3, ku goli i parë u shënua në kohë shtesë të pjesës së parë. Kurse, dy golat e tjerë, suharekasit i shënuan në minutat 58 dhe 70. Ballkani gjendet në pozitën e dytë me 15 pikë, kurse Gjilani pozicionohet në vendin e shtatë me shtatë pikë. Një pozitë më poshtë është Llapi që ka grumbulluar gjashtë pikë, aq sa ka edhe Prishtina e Re që është një pozitë më poshtë.