Ballkani e kryen punën me Llapin brenda pjesës së parë

Ballkani ka shënuar fitore ndaj Llapit me rezultatin 4:2. Ekipi nga Suhareka e ka kryer punën qysh në pjesën e parë duke shënuar të gjitha golat. Nazmi Gripshi, e hapi llogarinë e ndeshjes, për të vazhduar më pas me Ermal Krasniqin. Në skenë brenda 45 minutave doli sërish Gripshi, që realizoi për 3:0. Ndërkaq golin e katërt për Ballkanin e shënoj Mirlind Daku, i cili arriti në kuotën e 18 golave në 12 ndeshje. Por, vizitorët u aktivizuan në pjesën e dytë. Elvis Prençi, e ngushoi epërsinën në 4:1, kurse Ahmet Januzi realizoi për 4:2, 10 minuta pa përfunduar takimi. Ballkani vazhdoj t'i prijë tabelës me 29 pikë, tri më shumë se Drita, e cila e ka një ndeshje më pak të zhvilluar. Skuadra nga Podujeva ngel në pozitën e parafundit me tetë pikë, katër më pak se zona e shpëtimit nga rënia në Ligën e Parë dhe vetëm dy më shumë se vendi i fundit, Besa.