Baleti Kombëtar i Kosovës e mbylli 2024-në me pesë premiera

Baleti Kombëtar i Kosovës ka deklaruar se 2024-ta ishte një vit jashtëzakonisht i suksesshëm. Në një njoftim të lëshuar thuhet se patën pesë premiera të baletit, katër prej të cilave krijime të reja, si dhe një premierë në bashkëpunim me Operën e Kosovës. "'Rebounds: A Basketballet' - shkurt, 'Goca e Kaçanikut' - shkurt, 'Tango Nights' - maj, 'Peter Pan' - qershor, 'AEON'- qershor, si dhe 'Terminal' - nëntor", janë premierat në fjalë. Ndërsa, pati prezantime ndërkombëtare në tri kontinente me shfaqje në: Neë York, Paris, Lisbonë dhe Cheonan. Baleti Kombëtar i Kosovës shton se kanë performuar me krenari edhe në rajon, në Elbasan dhe Tetovë . "Mbyllja madhështore e vitit 2024: Me shfaqjen klasike 'Arrëthyesi', më 15 dhe 16 dhjetor, përpara një audience të jashtëzakonshme". "Gjatë vitit 2024, BKK ka bashkëpunuar me Operën e Kosovës në dy projekte të mëdha. Shfaqja "Koca e Kaçanikut" u realizua në Prishtinë në muajin shkurt dhe më pas në nëntor u prezantua edhe në Gjakovë dhe Tiranë. Gjithashtu, ky bashkëpunim kulmoi me realizimin e shfaqjes së famshme 'Arrëthyesi'", thuhet në njoftim.