Lulzim Zhegrova, babai i super-yllit Edon Zhegrova, ka vendosur të kandidojë për deputet me Lidhjen Demokratike të Kosovës (LDK).
E Edoni shprehet se është neutral ndaj politikës, duke theksuar se, përkundër mbështetjes për babanë e tij, nuk është i angazhuar aktivisht në fushatën politike dhe ka një qëndrim të pavarur.
Futbollisti pëmendi se nuk ka votuar kurrë më parë, por është shprehur se ka shumë miq politikanë që e vlerësojnë atë, transmeton Klankosova.tv.
"Unë asnjëherë nuk kam votuar, politikën nuk e kam dashur asnjëherë. Ka shumë njerëz në politikë që më vlerësojnë dhe i kam të gjithë shokë. Babai e ka marrë këtë qëllim, dhe natyrisht unë do ta mbështes, sikurse edhe babai që më ka mbështetur mua. Shpresoj që ato qëllime që ka ai, bashkë me Lumir Abdixhikun, t’i arrijnë. Unë Lumirin e kam shumë shok, por edhe të tjerët i kam shokë, dhe jam neutral", deklaroi Edoni në emisionin festiv "Sports Show" në Klan Kosova.
Kur u pyet nëse do të votojë, Edoni tha se ende nuk është i sigurt, por gjithsesi nëse po, atëherë do votojë për babanë e tij.
Ndiqeni emisionin e plotë në Sports Show festiv, në Klan Kosova:
