Avdija, një tjetër yll me origjinë nga Kosova që pritet të shkëlqejë në NBA

Ligës më të fortë në botë të basketbollit do t'i shtohet edhe një basketbollist me prejardhje nga Kosova. Bëhet fjalë për Deni Avdija, i cili pritet që këtë sezon të debutojë në NBA. Ai është i biri i Zufer Avdija, i cili ka lindur në Prishtinë dhe ka qenë basketbollist i disa skuadrave në mesin e të cilave edhe Elektroekonomia. 19-vjeçari ka shtetësi të Serbisë dhe Izraelit. Deri më tani ai ka luajtur për ekipin Maccabi Tel Aviv, ku debutoi në moshën 16-vjeçare si lojtari më i ri. Përfaqësuesi i Kombëtares së Izraelit, në vitin 2019 është shpallur lojtari më i mirë në Kampionatin Evropian U-20. Me këtë rast Deni Avdija, është përzgjedhur nga liga më e fortë e basketbollit NBA, në progamin Draft ku ekipet marrin talentët nga Evropa. Ai është lojtari i dytë me origjinë nga Kosova, pas Luka Donçiq, i cili luan për Dallas Mavericks. https://www.youtube.com/watch?v=IRj8Di8Z19c&ab_channel=BBALLBREAKDOWN