Autostrada Biennale, sonte fillon edicioni i tretë me temën “Çka nëse një udhëtim?” (VIDEO)

Leotrim Fishekqiu ka treguar për detajet e edicionit të tretë të Autostradës Biennale, cila për herë të parë hapet sonte në Prishtinë. Ai ka treguar në emisionin Ora Shtatë se vepra të ndryshme arti të cilat vijnë nga Berlini, me instilacion të luleve, vepër e cila quhet “Lule mos më harro” do të shpalosen në këtë aktivitet . Artisti Petrit Halilaj është përkujdesur që të ketë bashkëpunime në mes të artistëve lokal dhe atyre ndërkombëtarë. Sot bëhet hapja e Autostradës Biennale në Prishtinë, kurse më datën 17 korrik, hapja do të bëhet në Prizren, ku edhe u mbajtën dy nga edicionet e para të saj. Më 19 korrik, hapja e Biennales bëhet në Pejë. Ekspozita në kuadër të saj do të jetë e hapur për publikun deri në shtator. Në këtë edicion do të marrin pjesë 30 artistë nga vende të ndryshme, ku do të trajtohen tema sociale ekonomike, politike që prekin komunitetet e ndryshme.